अन्तर्राष्ट्रिय नेपाली युवा उद्यमी महासंघ (फिने) को अध्यक्षमा हङकङका युवा उद्यमी गोकर्णप्रसाद ढकाल निर्वाचित भएका छन्।
महासंघको दोश्रो अधिवेशनले यसअघि वरिष्ठ उपाध्यक्ष रहेका ढकालको अध्यक्षतामा नयाँ कार्यसमिति चयन गरेको हो ।
महाधिवेशनले वरिष्ठ उपाध्यक्षमा शमिम अन्वर, उपाध्यक्षमा प्रकाश थापा, डिला खरेल, पुर्ण पोखरिया, प्रदिप न्यौपाने, शम्भु कँडेल र उषा गुरुङ, महासचिवमा दिपेन घले, सचिवमा धर्म अधिकारी र कोषाध्यक्षमा ओम ज्ञवाली चयन गरेको छ ।
यस्तै अफ्रिका क्षेत्रको अध्यक्षमा रामप्रसाद पाध्य, युरोप क्षेत्रको अध्यक्षमा देवेन्द्र कार्की, मध्यपूर्व क्षेत्रको अध्यक्षमा विष्णुलाल श्रेष्ठ र ओसेनिया क्षेत्रको अध्यक्षमा उमेश खड्का निर्वाचित भएका छन ।
त्यस्तै सदस्यहरुमा मनिषा डंगोल श्रेष्ठ, एमके रमेश पौडेल, रजनिश भट्टराई, विकास दाहाल, अमर सापकोटा, रोशन बुढाथोकी, निराजन भण्डारी, शिव श्रेष्ठ, भिमलाल गैरे, सुर्य श्रेष्ठ, विवेक पौडेल र दिपेशमान शाक्य चयन भएका छन्।
नवनिर्वाचित अध्यक्ष ढकालले विश्वभर छरिएका नेपाली युवा उद्यमीहरूबिच सहकार्य, मार्गदर्शन र अवसरहरूको सञ्जाल निर्माण गर्दै विश्व बजारमा छरिएर रहेका नेपाली उद्यमीहरूलाई सशक्त बनाउँदै जाने प्रतिवद्धता व्यक्त गरेका थिए। फिनेको नेपालमा पनि बागमती र गण्डकीमा शाखा विस्तार भइसकेको छ।
विश्वका विभिन्न मुलुकमा छरिएर रहेका युवा उद्यमीलाई जोड्ने उद्देश्यले स्थापित फिनेको भर्चुअल माध्यमबाट भएको महाधिवेशनमा १५ देशका प्रतिनिधिहरु सहभागि थिए।
